Monday, August 9, 2010

ឆាសាច់ជ្រូកជាមួយស្ពៃប៊្រូខូលី

ឆាសាច់ជ្រូកជាមួយស្ពៃប៊្រូខូលី
គ្រឿងផ្សំ
  • សាច់ជ្រូក (សាច់ចំឡក) ៣៥០ ក្រាម
  • ផ្កាស្ពៃប៊្រូខូលី (ផ្កាស្ពៃម្យ៉ាងពណ៌បៃតងចាស់)
  • ខ្ទឹមស ១៥ ក្រាម
  • ដើមខ្ទឹម ២ ដើម
  • ខ្ទឹមបារាំង ១៣០ ក្រាម
  • ប៉េងប៉ោះ ១៣០ ក្រាម
  • ម្នាស់ ១៣០ ក្រាម
  • ខ្លាញ់ ៣ ស្លាព្រាបាយ
គ្រឿងផ្សំសម្រាប់ប្រឡាក់សាច់
  • ពងមាន់ ឬពងទា (យកតែពងស)
  • ម្រេចម៉ដ្ឋ ១/២ ស្លាព្រាកាហ្វេ
  • ស្ករ ១/២ ស្លាព្រាកាហ្វេ
  • ស្រា ១ ស្លាព្រាបាយ
  • ទឹកស៊ីអ៊ីវ ១ ស្លាព្រាបាយ
  • ប្រេងឆា ២ ស្លាព្រាបាយ
  • ម្សៅឆា ៣ ស្លាព្រាបាយ
គ្រឿងផ្សំរសជាតិ
  • ទឹកម្ទេសខាប់ ១ ស្លាព្រាកាហ្វេ
  • ទឹកប៉េងប៉ោះខាប់ ៣ ស្លាព្រាបាយ
  • ស្ករ ៣ ស្លាព្រាបាយ
  • ប្រេងល្ង ១ ស្លាព្រាបាយ
  • ម្សៅស៊ុបខ្នរ ១ ស្លាព្រាកាហ្វេ
វិធីធ្វើ
  1. លាង​សាច់​ជ្រូក​ឲ្យ​ស្អាត និង​ហាន់​ជា​បន្ទះ​តូច​ល្មម រួច​ហើយ​ដាក់​ចូល​ក្នុង​គ្រឿង​ប្រឡាក់​សាច់ ច្របល់​ឲ្យ​សព្វ និង​ផ្អាប់​ទុក ៣០ នាទី បន្ទាប់​មក​ចាក់​ចូល​ក្នុង​ខ្ទះ​ដោយ​បំពង​លុះ​ត្រា​តែ​សាច់​ឆ្អិន​ប្រហែល​ជា ៨០ ភាគ​រយ ទើប​ស្រង់​ចេញ​ទុក​ប្រើ​ការ។
  2. បក​សម្បក​ខ្ទឹម​បារាំង និង​ខ្ទឹម​ស​ចេញ យក​គ្រាប់​ប៉េង​ប៉ោះ​ចេញ ដើម​ខ្ទឹម ម្នាស់​។ លាង​បន្លែ​ទាំង ៥ មុខ​នេះ​ឲ្យ​ស្អាត រួច​ហើយ​ហាន់​ជា​គ្រាប់​តូច​ល្អិត​ទុក​ប្រើ​ការ។
  3. ចិត​សម្បក​រឹង​ផ្កា​ស្ពៃ​ប្រ៊ូខូលី​ចេញ និង​ពុះ​ជា​ទង​តូច​ៗ រួច​ហើយ​យក​ទៅ​ស្រុស​ក្នុង​ទឹក​ដាំ​ពុះ ទើប​ស្រង់​ចេញ​ទុក​ប្រើ​ការ។
  4. ដាក់​ខ្លាញ់​ចូល​ក្នុង​ឆ្នាំង​ខ្ទះ រង់​ចាំ​ខ្ទះ​ក្តៅ​ហុយ​ផ្សែង ទើប​ចាក់​ខ្ទឹម​ស ខ្ទឹម​បារាំង ដើម​ខ្ទឹម​ចូល​បំពង​យក​ក្លិន​ឈ្ងុយ។ បន្ទាប់​មក​ចាក់​ប៉េង​ប៉ោះ ម្នាស់ និង​សាច់​ជ្រូក​ចូល​ឆា ហើយ​ជា​ចុង​ក្រោយ​ចាក់​គ្រឿង​ផ្សំ​រស​ជាតិ​ចូល (ក្នុង​នោះ​រួម​មាន​ម្សៅ​ស៊ុប​ខ្នរ) និង​រម្ងាស់​បន្តិច​ទើប​ដួស​ដាក់​ចាន​យក​មក​ទទួល​ទាន៕
------------------------------
ប្រភព ៖ ទស្សនាវដ្តី ប្រជាប្រិយ, ឆ្នាំទី ១៥ លេខ ៤៦៨, ១១-២០ កញ្ញា ២០០៩, ទំព័រ ៨៦។