Monday, August 9, 2010

ឆាបង្គាជាមួយពងមាន់ចៀនរសជាតិជូរ-ហឹរ

ឆាបង្គាជាមួយពងមាន់ចៀនរសជាតិជូរ-ហឹរ
គ្រឿងផ្សំ
  • សាច់បង្គា (បង្គាស្រស់ធ្វើហើយ) ១៦០ ក្រាម
  • ខ្ទឹមបារាំងធុនតូច ១ មើម
  • ដើមខ្ទឹម ១ មើម
  • ខ្ទឹម ២ កំពឹស
  • ពងមាន់ ៤ គ្រាប់
  • ខ្លាញ់ ៤ ស្លាបព្រាបាយ
គ្រឿងផ្សំសម្រាប់ប្រឡាក់សាច់
  • អំបិលម៉ដ្ឋ ១ ស្លាបព្រាកាហ្វេ
  • ម្រេចម៉ដ្ឋ និងប្រេងល្ងបន្តិចបន្តួច
  • ម្សៅឆា ១/២ ស្លាបព្រាកាហ្វេ
  • ពងមាន (យកពងស) ១ ស្លាបព្រាកាហ្វេ
គ្រឿងផ្សំរសជាតិ
  • អំបិល ១/២ ស្លាបព្រាកាហ្វេ
  • ម្រេចម៉ដ្ឋ បន្តិចបន្តួច
  • ប្រេង ២ ស្លាបព្រាកាហ្វេ
  • ម្សៅស៊ុបខ្នរ ១ ស្លាបព្រាកាហ្វេ
គ្រឿងទឹកខាប់
  • ទឹកប៉េងប៉ោះខាប់ ១ ស្លាបព្រាបាយ
  • ទឹកម្ទេសខាប់ ១ ស្លាបព្រាបាយ
  • ទឹក ១/២ កែវ
  • ស្ករ ១/២ ស្លាបព្រាកាហ្វេ
  • ម្សៅឆា ១/២ ស្លាបព្រាកាហ្វេ
  • ទឹកស៊ីអ៊ីវ ១ ស្លាបព្រាកាហ្វេ
វិធីធ្វើ
  1. ចាក់​សាច់​បង្គា​ច្របល់​ក្នុង​គ្រឿង​សម្រាប់​ប្រឡាក់​សាច់ រួច​ផ្អាប់​ទុក ២០ នាទី ហាន់​ខ្ទឹម​បារាំង​ជា​ចម្រៀក​ៗ កាត់​ដើម​ខ្ទឹម​ជា​កង់​ៗ និង​ចិញ្ច្រាំ​ខ្ទឹម​ស​ឲ្យ​ម៉ដ្ឋ ចំណែក​ពង​មាន់​គោះ​ដាក់​ក្នុង​ចាន​គ្រឿង​ផ្សំ​រស​ជាតិ (ក្នុង​នោះ​រួម​មាន​ម្សៅ​ស៊ុប​ខ្នរ) ហើយ​កូរ​ឲ្យ​សព្វ​ទុក​ប្រើ​ការ។
  2. ដាក់​ខ្លាញ់ ២ ស្លាប​ព្រា​បាយ​ចូល​ក្នុង​ខ្ទះ រង់​ចាំ​ខ្ទះ​ក្តៅ​ទើប​ចាក់​ពង​មាន់​លាយ​គ្រឿង​ផ្សំ​រស​ជាតិ​ចូល​ចៀន និង​ប្រែ​ពី​ម្ខាង​ទៅ​ម្ខាង​ទាល់​តែ​ក្រៀម​ទាំង​សង​ខាង ទើប​ចូក​ដាក់​ចាន។
  3. ដាក់​ខ្លាញ់ ២ ស្លាប​ព្រា​បាយ​ចូល​ក្នុង​ខ្ទះ​ម្តង​ទៀត។ រង់​ចាំ​ខ្ទះ​ក្តៅ​ទើប​ចាក់​ខ្ទឹម​ស ដើម​ខ្ទឹម និង​ខ្ទឹម​បារាំង បំពង​យក​ក្លិន​ឈ្ងុយ រួច​ចាក់​សាច់​បង្គា​ចូល​ឆា​ត្រឡប់​ចុះ​ឡើង​មួយ​សន្ទុះ ហើយ​ជា​ចុង​ក្រោយ​ចាក់​គ្រឿង​ទឹក​ខាប់​ចូល ដោយ​ស្ងោរ​រម្ងាស់​ទាល់​តែ​ពុះ ទើប​ដួស​ដាក់​ពី​លើ​ចាន​ពង​មាន់​ចៀន​លើក​មក​ទទួល​ទាន៕
------------------------------
ប្រភព ៖ ទស្សនាវដ្តី ប្រជាប្រិយ, ឆ្នាំទី ១៥ លេខ ៤៦៨, ១១-២០ កញ្ញា ២០០៩, ទំព័រ ៨៦។