Tuesday, July 13, 2010

ភ្លាសាច់គោ

ភ្លាសាច់គោ
គ្រឿងផ្សំ
  • សាច់​គោ (សាច់​ផុយ)
  • សណ្តែក​គួរ
  • ប៉េង​ប៉ោះ
  • ការ៉ុត
  • ខ្ទឹម​បារាំង
  • ជី​នាង​វង
  • ជី​អង្កាម ឬ​ជី​រណា
  • ក្រូច​ឆ្មា
  • គល់​ស្លឹក​គ្រៃ
  • រំដេង
  • ម្ទេស​ប្លោក
  • សណ្តែក​ដី
  • ប្រហុក​សាច់
  • ខ្ទឹម​ស
  • ទឹក​ត្រី
  • អំបិល
  • ស្ករ​ស
  • ប៊ី​ចេង
វិធីធ្វើ
  1. សាច់​គោ​ហាន់​បន្ទះ​ស្តើង​ៗ រួច​យក​ក្រូច​ឆ្មា​មក​ចិត​ច្របាច់​យក​ទឹក​មក​ដាក់​ពី​លើ​សាច់​គោ ច្របល់​ឲ្យ​សព្វ​ទុក ៥ នាទី ទើប​ច្របាច់​ពូត​រួច​ទើប​យក​សាច់​គោ​នោះ​ទុក​ចាន​មួយ​ផ្សេង។ គល់​ស្លឹក​គ្រៃ ម្ទេស​ប្លោក​ហាន់​ជា​បន្ទះ​ស្តើង​ៗ សណ្តែក​គួរ​កាត់​ខ្លី​ៗ​ដំ​ឲ្យ​បែក ប៉េង​ប៉ោះ ការ៉ុត​ហាន់​ជា​បន្ទះ​ៗ ឬ​ចិត​ជា​ផ្កា​តាម​ការ​និយម​ចូល​ចិត្ត ខ្ទឹម​បារាំង​ហាន់​ជា​សរ​សៃ​ៗ រួច​យក​ទៅ​ដាក់​ក្នុង​ចាន​សាច់​គោ។ ខ្ទឹម​ស រំដេង​ត្រូវ​បុក​ឲ​ម៉ដ្ឋ រួច​ដួស​ដាក់​មក​ក្នុង​ចាន​ក្រូច​ឆ្មា​ដែល​សល់​ពី​ពូត​សាច់​គោ។
  2. ដាក់​ឆ្នាំង​ខ្ទះ​រួច​ទុក​ឲ្យ​ក្តៅ​ហុយ​ៗ ទើប​ចាក់​ទឹក​ក្រូច​ឆ្មា​ចូល ដាក់​ប្រហុក​បន្តិច​ទុក​ឲ្យ​ពុះ កូរ​ឲ្យ​រលាយ​សាច់​ប្រហុក​ទើប​យក​សាច់​គោ​មក​ចាក់​ចូល (កុំ​ឲ​ឆ្អិន​ពេក) ហើយ​ច្រូច​ទឹក​ត្រី​បន្តិច ថែម​អំបិល ប៊ី​ចេង ស្ករ​ស​រួច​កូរ​ឲ្យ​សព្វ ភ្លក់​មើល​ឲ​ល្មម​ទើប​យក​មក​លាយ​ជា​មួយ​បន្លែ​ដែល​បាន​ចិត​រួច​នោះ រួច​បេះ​ស្លឹក​ជី​រោយ​ពី​លើ​ជា​ការ​ស្រេច៕
------------------------------
ប្រភព​ ៖ ពេញ សុថាវី, mvfood.wordpress.com