
គ្រឿងផ្សំ
- កង្កែប ៤០០ ក្រ
- ម្ទេសប្លោកក្រហម ៥០ ក្រ
- ស្ករត្នោត ១/២ ស្លាបព្រាកាហ្វេ
- អំបិល ១/២ ស្លាបព្រាកាហ្វេ
- ឃិនឆាយ (ឃិនឆាយបារាំងយកតែធាង) ១៥០ ក្រ
- ខ្ទឹមបារាំង ៧០ ក្រ
- ខ្ទឹមក្រហម ២ កំពឹស
- គល់ស្លឹកគ្រៃ ៣ គល់
- ម្សៅមី ៤ ស្លាបព្រាបាយ
- ប្រេងល្ង ១ ស្លាបព្រាកាហ្វេ
- ទឹកស៊ីអ៊ីវ ១ ស្លាបព្រាកាហ្វេ
- ទឹកត្រី
- ប្រេងខ្យង ១ ស្លាបព្រាបាយ
- ទឹកធម្មតា ១ កែវ
- ម្សៅស៊ុបខ្នរ ១ ស្លាបព្រាកាហ្វេ
វិធីធ្វើ
- ពុះម្ទេសប្លោកក្រហមជាចម្រៀកៗ ដោយយកគ្រាប់ចេញ និងលាងទឹកឲ្យស្អាត រួចហើយដាក់លីងនៅក្នុងឆ្នាំង ២-៣ នាទី ទើបចូកចេញយកមកហាន់ឲ្យម៉ដ្ឋ រួចដាក់លាយជាមួយនឹងអំបិល និងស្ករត្នោត ហើយយកទៅកិនឲ្យម៉ដ្ឋទុកប្រើការ។
- យកកង្កែបដាក់លាងទឹកឲ្យស្អាត និងកាប់ជាដុំៗ រួចហើយយកទៅប្រឡាក់ជាមួយនឹងម្សៅមី និងដាក់បំពងលុះត្រាតែឆ្អិនល្អ ទើបស្រង់ចេញទុកប្រើការ។
- ចិតសម្បករឹងឃិនឆាយចេញ និងហាន់ជាកង់ៗ បកសម្បកខ្ទឹមបារាំងចេញ និងហាន់ជាចម្រៀកៗ។ រីឯខ្ទឹមក្រហម និងគល់ស្លឹកគ្រៃហាន់ឲ្យម៉ដ្ឋ។
- ដាក់ខ្លាញ់ ២ ស្លាបព្រាបាយចូលទៅក្នុងខ្ទះ រង់ចាំខ្ទះក្តៅហុយផ្សែងទើបចាក់ឃិនឆាយ ខ្ទឹមបារាំង ខ្ទឹមក្រហម និងគល់ស្លឹកគ្រៃចូល ឆាយកក្លិនឈ្ងុយ ហើយដាក់គ្រឿងកិន និងសាច់កង្កែបចូលឆាត្រឡប់ចុះឡើង។ ជាចុងក្រោយចាក់គ្រឿងផ្សំរសជាតិចូល (ក្នុងនោះរួមមាន ម្សៅស៊ុបខ្នរ) ហើយមុននឹងដួសដាក់ចានយកមកទទួលទាន ត្រូវស្រោចប្រេងល្ងពីលើទុកជាការស្រេច៕
------------------------------
ប្រភព ៖ ទស្សនាវដ្តី ប្រជាប្រិយ, ឆ្នាំទី ៥ លេខ ៤៦៩ ថ្ងៃទី ២១-៣0 ខែកញ្ញា ឆ្នាំ ២០០៩, ទំព័រ ៨៤។


