Tuesday, June 22, 2010

ឆាសណ្តែកបណ្តុះជាមួយតៅគួរ

គ្រឿងផ្សំ
  • តៅគួរ (តៅហូរ)
  • សាច់ជ្រូក
  • សណ្តែកបណ្តុះ
  • ស្លឹក ឬផ្កាគួឆាយ
  • ស្លឹកខ្ទឹម
  • ប្រេងខ្យង
  • ទឹកត្រី
  • អំបិល
  • ប៊ីចេង
  • ស្ករស
  • ខ្ទឹមស
  • ម្រេច
វិធីធ្វើ
  1. សាច់​ជ្រូក​លាង​ទឹក​ឱ្យ​ស្អាត​រួច​ហាន់​ ជា​ចំណិត​ស្តើង​ៗ តៅ​គួរ​កាត់​ជា​ដុំ​ៗ​ប៉ុន​មេ​ដៃ​យក​ទៅ​បំពង​ឱ្យ​ក្រហម សណ្តែក​បណ្តុះ និង​ស្លឹក​គួ​ឆាយ​យក​លាង​ទឹក​ឱ្យ​ស្អាត​រួច​ហាន់​ប្រវែង​មួយ​ថ្នាំង​ដៃ​យក​ លាយ​ជា​មួយ​សណ្តែក​បណ្តុះ ខ្ទឹម​ស​ត្រូវ​ចិញ្ជ្រាំ​ឱ្យ​ល្អិត ចំណែក​គ្រឿង​ផ្សំ​ទាំង​អស់​ត្រូវ​លាយ​ចូល​គ្នា​ដាក់​ក្នុង​កូន​ចាន​ទុក។
  2. ដាក់​ខ្ទះ​លើ​ចង្រ្កាន​រង់​ចាំ​វា​ក្តៅ​ បន្តិច​រួច​ចាក់​ខ្លាញ់ និង​ខ្ទឹម​ស​ចូល បំពង​វា​ឱ្យ​ឈ្ងុយ​ទើប​ចាក់​សាច់​ជ្រូក​ចូល រួច​ចាក់​គ្រឿង​​ដែល​លាយ​រួច​ចូល បន្ទាប់​មក​ដាក់​តៅ​គួរ​ចូល​ហើយ​ឆា​វា ២, ៣ ត្រឡប់ ទើប​ចាក់​សណ្តែក​បណ្តុះ​ចូល ឆា​វា​ឱ្យ​សព្វ (កុំ​ឱ្យ​សណ្តែក​ឆ្អិន​ពេក) រួច​ដួស​ដាក់​ចាន និង​រោយ​ខ្ទឹម​ស​ជា​ការ​ស្រេច៕
------------------------------
ប្រភព ៖ ពេញ សុថាវី, mvfood.wordpress.com